منتدى انصار الامام المهدي (عج)

اهلا وسهلا بكم في منتدانا مع تحيات
العزاوي مدير منتدى انصار الامام المهدي
منتدى انصار الامام المهدي (عج)

الممهدون في العراق


    حبَّك من يانوع ياحسين

    شاطر

    خالد محمد مهدي الحجار

    ذكر
    عدد الرسائل : 2
    العمر : 57
    نقاط : 46206
    تاريخ التسجيل : 13/12/2014

    حبَّك من يانوع ياحسين

    مُساهمة من طرف خالد محمد مهدي الحجار في السبت ديسمبر 13, 2014 7:59 pm



    اسم القصيده(حبك من يانوع)

    ==============

    حسين بنص گلوب الشيعه**واسواره لضلوع

    طلسم فوك الگلب اكتبنــــه** ومفتاحه لدموع

    العهد وياك**نوفي دماك

    من يگدر يوصل هالرتبه **وحبك من يانوع

    ********************

    الايـــــام العصيبه اتمر **ويطويها سجل الايام

    لكن صفحة التاريـــــــخ**بيهه اتشخصت ظلاّم

    النواصب حسِّبوا ننساك**هيهات ونگول اوهام

    هاي ويانه ماتنفـــــــــع**لا با ليقضه والاحلام

    نبقه نوالـــــــــي ومانتعذر///وبدربك ماشين

    صوت المنبر يعله ابأسمك///ونّــادي يحسين

    يعالي لواك*نريد حماك**من يگدر يوصل هالرتبه وحبك من يانوع
    ****************************

    ظلمه دروبها الدنيه**وبيها أمقفَّلـــــه الابواب

    ياب التفتحه نـــــــار**تحرگ سابع الانســــاب

    تلاوينــــه ونلاويها**ماگدرت أو عدنـه اسباب

    لأن بالذَّر تعاهدنه **عهدنه اتناقله الاصــلاب

    رحم وصلب الحبك طاهر///مايتغير دوم

    مهما الجور ايمر علينه///اليوم وكل يوم

    دربنه وياك*اعله نهج خطاك*من يگدريوصل هالرتبه وحبك من يانوع
    ******************************

    شعائرنه حياة الروح **تحييها ضمائرنـــه

    نور اتوقِّــد الاحساس**وتوهج بصائرنـــه

    سفينة رحمتك يحسين**الامان الله تعبرنــه

    ذكرك باقي يامنصور** يسرى حبك أبدمنـه

    دمك جدد دينه الجدك ///وصــــار العنوان

    وحبك غيَّر دم الشيعه ///يسري بالشريان

    نجد لرضاك**على منواك**من يدگر يوصل هالرتبه وحبك من يانوع

    *******************************

    تعلَّمنه الصبر منـَّــــــــك**صار الصبر مهر وسيف

    الدموع ارمــاح نشهرها**أبساحــات الوغا والحيف

    مجاميــــع المودَه اتسير**ابّرد الشته وحـّـر الصيف

    مشاريع الشهاده انصير**الجنه انته وحنـــه الظيف

    يابو اليمه دربك معبر // منه اتمر الناس

    سفينة رحمه شراعك بيهه//جفينه العباس

    الروح فداك*اعله درب خطاك* من يگدريوصل هالرتبه وحبك من يانوع

    **********************************

    مجالس للذكــــر ننصب**وسط گلوبنه الولها

    راياك ومواكب عـــــــز**نترجــــــــاك تقبلها

    ريت وياك يــــوم الطف**ونگابـــــل جحافلها

    تدري الشيعه يامظلــوم**غيــر امحبتك شلها

    دم الثوره سيف او رايـــــــه///ياغضب البركان

    من عرش الطاغي وكل ظالم/// اتهدِّم اركــــان

    الذي والاك **عدو لعداك**من يگدر يوصل هالرتبه وحبك من يانوع
    *******************************


      الوقت/التاريخ الآن هو الأحد يونيو 25, 2017 1:23 am